«Рубин» клуби собиқ ярим ҳимоячиси Виталий Астафьев «Чемпионат.com» нашрига берган интервьюсида қозонликлар собиқ устози Қурбон Бердиев билан биргаликдаги иш даврини ёдга олди.
«Агар англиялик мураббий ҳамиша бақирган бўлса (Астафьев "Бристоль Роверс" сафида ўйнаган), Бердиев доимо хотиржамлик билан тушунтирган. У ўз овозини кўтармаган ҳолда ўйинчиларга таъсир ўтказа оларди. Унинг нигоҳидан ҳамма нарса тушунарли бўларди, демак, ниманидир ўзгартириш керак. У кўп гапирмасди, қисқа-лўнда гапирарди. Кўрсатма аниқ-тиниқ берарди.
Таркибимиз юлдузли эмасди, аммо Бердиев тузган жамоа жанговар бўлганди. Мураббий топган жанубий америкаликлар орасида жуда ёш Чори Домингес ажралиб турганди. Шунингдек, уругвайлик Скотти ва ЖАРлик Сибайяни тилга олиш мумкин. Турли миллат вакиллари йиғилганига қарамай, биз бир оила эдик. Бўш вақтда бирга йиғилардик. Ўзбекистонлик массажчи ва Ўзбекистон терма жамоаси сардори Андрей Фёдоров бизга ош пишириб беришарди. Уни маза қилиб танаввул қилиб, суҳбатлашиб ўтирардик.
Фаолиятимда Бердиев каби мен билан тактик жиҳатдан бунчалик кўп ишлаган мураббий бўлмаган. "Рубин"да видео орқали тактик таҳлилни кўп ўтказардик», — деди Астафьев.