«Rubin» klubi sobiq yarim himoyachisi Vitaliy Astafyev «Chempionat.com» nashriga bergan intervyusida qozonliklar sobiq ustozi Qurbon Berdiyev bilan birgalikdagi ish davrini yodga oldi.

«Agar angliyalik murabbiy hamisha baqirgan bo‘lsa (Astafyev "Bristol Rovers" safida o‘ynagan), Berdiyev doimo xotirjamlik bilan tushuntirgan. U o‘z ovozini ko‘tarmagan holda o‘yinchilarga ta’sir o‘tkaza olardi. Uning nigohidan hamma narsa tushunarli bo‘lardi, demak, nimanidir o‘zgartirish kerak. U ko‘p gapirmasdi, qisqa-lo‘nda gapirardi. Ko‘rsatma aniq-tiniq berardi.

Tarkibimiz yulduzli emasdi, ammo Berdiyev tuzgan jamoa jangovar bo‘lgandi. Murabbiy topgan janubiy amerikaliklar orasida juda yosh Chori Dominges ajralib turgandi. Shuningdek, urugvaylik Skotti va JARlik Sibayyani tilga olish mumkin. Turli millat vakillari yig‘ilganiga qaramay, biz bir oila edik. Bo‘sh vaqtda birga yig‘ilardik. O‘zbekistonlik massajchi va O‘zbekiston terma jamoasi sardori Andrey Fyodorov bizga osh pishirib berishardi. Uni maza qilib tanavvul qilib, suhbatlashib o‘tirardik.

Faoliyatimda Berdiyev kabi men bilan taktik jihatdan bunchalik ko‘p ishlagan murabbiy bo‘lmagan. "Rubin"da video orqali taktik tahlilni ko‘p o‘tkazardik», — dedi Astafyev.