«ПСЖ» яримҳимоячиси Жоржиньо Вейналдум Англияга қайтишга тайёр. Футболчига «Арсенал» анчадан бери қизиқиш билдирмоқда ва голландиялик футболчининг ўзи «канонирлар» сафига ўтишга тайёр. Бу ҳақда ESPN хабар бермоқда.
Эслатиб ўтамиз, айни дамда 31 ёшли ярим ҳимоячи касалхонада бўлиб, тўпиғидан олган жароҳати туфайли 3 ҳафтани ўтказиб юборади. Аввалроқ, «ПСЖ»даги ҳолатидан норози бўлган Вейналдумга «Ньюкасл»дан қизиқиш билдирилгани ҳақида хабар берилганди.
Маълумот ўрнида, Жоржиньо Вейналдум жорий мавсумда барча турнирларда 25 та ўйинда майдонга тушиб, 3 та гол урди ва 2 та голли узатмани амалга оширди.
