«Барселона» «Милан» ва Кот-д'Ивуар терма жамоаси ярим ҳимоячиси Франк Кесси билан музокаралар олиб бормоқда.
Catalunya Radio хабарига кўра, «кўк-анорранглилар» ва 25 ёшли яримҳимоячи ўртасидаги музокаралар юқори босқичда ўтмоқда.
Кесси ўтган мавсум А сериянинг энг яхши ярим ҳимоячиларидан бири бўлиб, «Милан»га иккинчи ўринни эгаллашга ёрдам берди. Кот-д'Ивуарлик футболчи мавсум давомида 13 та гол урди ва 4 та голли узатмани амалга оширди.
«Милан» футболчини сақлаб қолиш учун қанча уринмасин, томонлар шартномани узайтириш борасида келиша олишмади. Ёзда Кесси «россонерилар»ни текинга тарк этиши эҳтимоли катта.
