«Барселона» дарвозабони Марк-Андре тер Штеген Жанлуижи ПСЖга ўтишга рози бўлмади. Бу ҳақда Sky Sport журналисти Флориан Плеттенберг твиттерда маълум қилди.
Аввалроқ, матбуотда германиялик дарвозабон Париж клуби сафига, ПСЖ кипери Доннарумма эса Каталония клубига ўтиши ҳақида миш-мишлар тарқалган эди.
Манбага кўра, бу трансфер 29 ёшли Марк-Андренинг режаларига киритилмаган. Тер Штеген ёзги трансфер ойнасигача «Барселона»да қолмоқчи.
Тер Штеген жорий мавсумда «Барселона» сафида барча турнирларда 27 та ўйинда майдонга тушди ва 35 та гол ўтказиб юборди ва 8 ўйинда ўз дарвозаси даҳлсизлигини сақлаб қолди. Маълумот ўрнида, Тер Штегеннинг клуб билан шартномаси 2025 йилнинг ёзига қадар мўлжалланган.
