«Barselona» darvozaboni Mark-Andre ter Shtegen Janluiji PSJga o‘tishga rozi bo‘lmadi. Bu haqda Sky Sport jurnalisti Florian Plettenberg tvitterda ma’lum qildi.
Avvalroq, matbuotda germaniyalik darvozabon Parij klubi safiga, PSJ kiperi Donnarumma esa Kataloniya klubiga o‘tishi haqida mish-mishlar tarqalgan edi.
Manbaga ko‘ra, bu transfer 29 yoshli Mark-Andrening rejalariga kiritilmagan. Ter Shtegen yozgi transfer oynasigacha «Barselona»da qolmoqchi.
Ter Shtegen joriy mavsumda «Barselona» safida barcha turnirlarda 27 ta o‘yinda maydonga tushdi va 35 ta gol o‘tkazib yubordi va 8 o‘yinda o‘z darvozasi dahlsizligini saqlab qoldi. Ma’lumot o‘rnida, Ter Shtegenning klub bilan shartnomasi 2025 yilning yoziga qadar mo‘ljallangan.
