«Бавария» ҳимоячи Никлас Зюлега 1 мавсумига 10 миллион евро маош билан янги шартнома таклиф қилди, бироқ футболчи бу келишувдан бош тортди. Бу ҳақда Bild хабар бермоқда.
Ҳозирда мюнхенликлар Зюлега ўринбосар қидирмоқда. Мюнхенликлар рўйхатида «Челси» ҳимоячилари Андреас Кристенсен ва Антонио Рюдигер бор. Манбага кўра, 25 ёшли Кристенсен немис клуби сафига ўтиш эҳтимоли юқори баҳоланмоқда. Аввалроқ ОАВ музокаралар илғор босқичда эканлигини хабар қилган эди. 28 ёшли Рюдигер эса Лондон клубида қолиш ёки «Реал»га ўтиш борасида бош қотирмоқда. Шу сабаб, Антонио хариди амалга ошиш эҳтимоли пастроқ.
Эслатиб ўтамиз, 26 ёшли Зюленинг мюнхенликлар билан шартномаси 2022 йилнинг ёзида якунига етади. Аввалров, унга «Ньюкасл» қизиқиш билдирган, бироқ Никлас «Бавария» билан янги шартнома имзолашни кутаётгани учун рад жавобини берганди.
Жорий мавсумда футболчи «Бавария» сафида барча мусобақаларда 25 та ўйинда майдонга тушиб, 1 та голли узатмани амалга оширди.
