«Bavariya» himoyachi Niklas Zyulega 1 mavsumiga 10 million yevro maosh bilan yangi shartnoma taklif qildi, biroq futbolchi bu kelishuvdan bosh tortdi. Bu haqda Bild xabar bermoqda.

Hozirda myunxenliklar Zyulega o‘rinbosar qidirmoqda. Myunxenliklar ro‘yxatida «Chelsi» himoyachilari Andreas Kristensen va Antonio Ryudiger bor. Manbaga ko‘ra, 25 yoshli Kristensen nemis klubi safiga o‘tish ehtimoli yuqori baholanmoqda. Avvalroq OAV muzokaralar ilg‘or bosqichda ekanligini xabar qilgan edi. 28 yoshli Ryudiger esa London klubida qolish yoki «Real»ga o‘tish borasida bosh qotirmoqda. Shu sabab, Antonio xaridi amalga oshish ehtimoli pastroq.

Eslatib o‘tamiz, 26 yoshli Zyulening myunxenliklar bilan shartnomasi 2022 yilning yozida yakuniga yetadi. Avvalrov, unga «Nyukasl» qiziqish bildirgan, biroq Niklas «Bavariya» bilan yangi shartnoma imzolashni kutayotgani uchun rad javobini bergandi.

Joriy mavsumda futbolchi «Bavariya» safida barcha musobaqalarda 25 ta o‘yinda maydonga tushib, 1 ta golli uzatmani amalga oshirdi.