Германиянинг «Шальке-04» клубининг 20 ёшли ҳимоячиси Малик Тшау бирданига Европанинг икки номдор клуби – Англиянинг «Ливерпуль» ва Италиянинг «Милан» клублари эътиборини тортди. Бу ҳақда Football Italia нашри хабар бермоқда.
Италиянинг турли манбаларига кўра, «Милан» директори Паоло Малдини Тшауни январь ойидаги трансфер ойнасининг сўнгги кунларида потенциал ҳимоячи сифатида сотиб олишни мўлжалламоқда. 20 ёшли футболчи Симон Кьернинг жароҳатидан кейин таркибдаги бўшлиқни тўлдириши керак.
Музокаралар дастлабки босқичда ва айни дамда немис клубини ва Милан жамоаси таклифи ўртасида анча катта фарқ бордек. Шу билан бирга, Италия раҳбарияти «Ливерпуль»нинг қизиқиши бошқа нархни кўтарилишига олиб келишидан хавотирда.
Тшау Германия U-20 терма жамоасида 6 та ўйин ўтказган ва у 1 та гол урган. Жорий мавсумда у «Шальке-04» таркибида 21 ўйинда майдонга тушди. Унинг трансфер нархи 5 миллион еврога баҳоланмоқда.
