«Атлетико Мадрид» «Барселона»га испаниялик ҳужумчи Алваро Моратани ижарага олиш учун рухсат берди, деб ёзади таниқли инсайдер Николо Скира ўзининг твиттер саҳифасида.

Манбага кўра, битим якунланиш арафасида. Футболчида Каталония клубига ўтиш истаги бор ва бош мураббий Хави билан ишлашга тайёр.

Жорий мавсумда Мората Италия чемпионатининг 22 учрашувида 5 та гол урди ва 3 та голли узатмани амалга оширди. Шунингдек, у Чемпионлар лигасининг бешта ўйинида иккита гол ва бир голли узатмага муаллифига айланган. Ҳужумчининг туринликлар билан амалдаги шартномаси 2022 йилнинг июнигача амал қилади.

Олдинроқ «Ювентус» бош мураббийи Массимилиано Аллегри Алваро Мората қишки трансфер ойнасида жамоани тарк этмаслигини айтганди.