«Саутгемптон» жорий мавсум "авлиёлар" сафида ижара асосида тўп сураётган «Челси» ҳужумчиси Армандо Брояни ўз сафига қўшиб олмоқчи.
Инсайдер Фабрицио Романонинг сўзларига кўра, "Саутгемптон" 25 миллион фунтлик таклиф тайёрламоқда. Агар "Челси" келишувга рози бўлса, Броя "авлиёлар" тарихидаги энг қиммат трансферга айланади. Бироқ лондонликлар бош мураббийи Томас Тухель 20 ёшли албаннинг клубда қолишини истамоқда.
Мавсум охиригача сотиб олиш ҳуқуқисиз ижарага олинган Броя Англия премьер-лигасида 18 учрашувда 5 та гол урди. У "Челси" тарбияланувчиси ва ҳужумчининг Лондон клуби билан шартномаси 2026 йилда тугайди.
