Арманистонлик яримҳимоячи Генрих Мхитарян «Рома»ни тарк этишга яқин турибди. Roma Press нашрининг маълум қилишича, Рим клуби футболчига янги шартнома таклиф қилишни режалаштирмаяпти. Томонлар ўртасидаги амалдаги келишув олти ойдан кейин тугайди.
Манбага кўра, «бўрилар» раҳбарияти маошини тежаш мақсадида 33 ёшли яримҳимоячи билан хайрлашишга қарор қилган. Айни дамда Гейнрих Рим клубида йилига уч миллион евро олади.
Ўтган йил охирида Мхитаряннинг Россия чемпионатига ўтиши мумкинлиги ҳақида хабарлар тарқалган эди. Арманистонлик футболчига РПЛда иккита давогар бор – «Краснодар» ва пойтахтнинг «Спартак» клуби.
