Бразилия терма жамоаси ва Каталониянинг «Барселона»жамоасининг собиқ футболчиси Роналдиньо «Ливерпуль» сафида тўп сураётган марказий ҳимоячи Виржил ван Дейкнинг ўйин даражасини юқори баҳолади.

«Ван Дейк - фантастик футболчи. У «Ливерпуль» ҳимоясини ажойиб тарзда бошқаради. Ҳақиқий маестро», - деб ёзган афсонавий бразилиялик Виржилнинг инстаграм пости остида.

30 ёшли голландиялик футболчи «Ливерпуль» сафига 2018 йилда келиб қўшилганди. Дарҳол ван Дейк Юрген Клопп жамоаси ҳимоясида ажралмас бўлагига айланди.

Виржил жорий мавсумда Премьер-лигада 20 та ўйинда майдонга тушиб, иккита гол урди, битта голли узатмани амалга оширди ва иккита огоҳлантириш олди.