Braziliya terma jamoasi va Kataloniyaning «Barselona»jamoasining sobiq futbolchisi Ronaldinyo «Liverpul» safida to‘p surayotgan markaziy himoyachi Virjil van Deykning o‘yin darajasini yuqori baholadi.
«Van Deyk - fantastik futbolchi. U «Liverpul» himoyasini ajoyib tarzda boshqaradi. Haqiqiy mayestro», - deb yozgan afsonaviy braziliyalik Virjilning instagram posti ostida.
30 yoshli gollandiyalik futbolchi «Liverpul» safiga 2018 yilda kelib qo‘shilgandi. Darhol van Deyk Yurgen Klopp jamoasi himoyasida ajralmas bo‘lagiga aylandi.
Virjil joriy mavsumda Premyer-ligada 20 ta o‘yinda maydonga tushib, ikkita gol urdi, bitta golli uzatmani amalga oshirdi va ikkita ogohlantirish oldi.
