"Тоттенхэм" ярим ҳимоячиси Тангуй Ндомбеле фаолиятини "Валенсия"да давом эттириши мумкин, деб ёзди журналист Жюльен Майнар.

Манбанинг хабарига кўра, футболчи фаолиятини ПСЖда давом эттирмоқчи, шу боис у ҳалигача "Валенсия"нинг таклифига рози бўлмаган.

Қайд этилишича, парижликлар ярим ҳимоячиларидан бирини сотмаса, Ндомбеле билан шартнома имзолай олмайди.

Ндомбеле жорий мавсум “Тоттенхэм” сафида 16 та ўйинда майдонга тушиб, 2 та гол урди ва 1 та голли узатмани амалга оширди. Ярим ҳимоячининг Лондон клуби билан шартномаси 2025 йилнинг 30 июнига қадар мўлжалланган. Трансфермаркт франциялик футболчини 38 миллион еврога баҳоламоқда.