«Ливерпуль»нинг япониялик ҳужумчиси Такуми Минамино трансфер ойнаси тугагунча жамоани тарк этиши мумкин. Skysports нашри хабарига кўра, «қизиллар» «Монако» ва «Лидс»нинг футболчи бўйича дастлабки таклифларини рад этишган.

Жорий мавсумда япон мерсисайдликлар 18 та ўйин ўтказган бўлса, шулардан 6 тасини асосий таркибда бошлаган. Футболчининг ўзи жамоадан кетишга қарши эмас, чунки у кўпроқ ўйин амалиётини хоҳлайди. Шу билан бирга, «Ливерпуль» ўз ҳужумчисини қўйиб юборишни истамаяпти, чунки клуб ҳали 4та мусобақада ва мавсум якунига қадар яна кўплаб ўйинлар ўтказиши керак.