Футбол бўйича 2022 йилги жаҳон чемпионати саралаш босқичининг 15-тури доирасида Эквадор терма жамоаси Бразилияни қабул қилди. Учрашув Китодаги (Эквадор) «Ла Каса Бланcа» стадионида бўлиб ўтди ва 1:1 ҳисобида якунланди.

Бразилия терма жамоаси олтинчи дақиқадаёқ ҳисобни очди. Гол Каземиро томонидан киритилди. 15-дақиқада ҳакам Эквадор терма жамоаси дарвозабони Александр Домингесни майдондан четлатди. Орадан 5 дақиқа ўтиб ҳакам бразилиялик ҳимоячи Эмерсонга иккинчи сариқ карточка кўрсатиб, таркибдаги ҳисобни тенглаштирди. Эслатиб ўтамиз, 31-дақиқада ҳакам бразилиялик дарвозабон Алисон Бекерга қизил карточка кўрсатган эди, бироқ видеотакрорни кўриб, рефери ўз фикридан қайтди. Эквадор 75-дақиқада Феликс Торреснинг аниқ зарбасидан кейин ҳисобни тенглаштирди.

Бразилия терма жамоаси 36 очко билан турнир жадвалида биринчи ўринда қолди. Эквадор терма жамоаси эса 24 очко билан учинчи ўринни эгаллаб турибди.

Эквадор — Бразилия – 1:1

Голлар: 0:1 – 6 Каземиро, 1:1 – 75 Торрес.

Эквадор – Домингес, Пресиадо (Кайседо, 66), Торрес, Инкапиэ, Эступиньян, Груэсо (Пресиадо, 66), Франко (Галиндес, 18), Кайседо (Мендес, 86), Плата, Валенсия, Эстрада (Карселен, 85).

Бразилия – Алиссон, Эмерсон, Тиаго Силва, Милитао, Алекс Сандро, Каземиро, Фред, Коутиньо (Дани Алвес, 33), Рафинья (Антони, 63), Матеус Кунья (Габриэл Барбоза, 78), Винисиус Жуниор (Габриэл Жезус, 63).

Огоҳлантиришлар: Эмерсон (1), Алиссон (31), Рафинья (42), Милитао (45), Валенсия (70), Кайседо (78).

Четлатиш: Домингес (15), Эмерсон (20).