Futbol bo‘yicha 2022 yilgi jahon chempionati saralash bosqichining 15-turi doirasida Ekvador terma jamoasi Braziliyani qabul qildi. Uchrashuv Kitodagi (Ekvador) «La Kasa Blanca» stadionida bo‘lib o‘tdi va 1:1 hisobida yakunlandi.

Braziliya terma jamoasi oltinchi daqiqadayoq hisobni ochdi. Gol Kazemiro tomonidan kiritildi. 15-daqiqada hakam Ekvador terma jamoasi darvozaboni Aleksandr Domingesni maydondan chetlatdi. Oradan 5 daqiqa o‘tib hakam braziliyalik himoyachi Emersonga ikkinchi sariq kartochka ko‘rsatib, tarkibdagi hisobni tenglashtirdi. Eslatib o‘tamiz, 31-daqiqada hakam braziliyalik darvozabon Alison Bekerga qizil kartochka ko‘rsatgan edi, biroq videotakrorni ko‘rib, referi o‘z fikridan qaytdi. Ekvador 75-daqiqada Feliks Torresning aniq zarbasidan keyin hisobni tenglashtirdi.

Braziliya terma jamoasi 36 ochko bilan turnir jadvalida birinchi o‘rinda qoldi. Ekvador terma jamoasi esa 24 ochko bilan uchinchi o‘rinni egallab turibdi.

Ekvador — Braziliya – 1:1

Gollar: 0:1 – 6 Kazemiro, 1:1 – 75 Torres.

Ekvador – Dominges, Presiado (Kaysedo, 66), Torres, Inkapie, Estupinyan, Grueso (Presiado, 66), Franko (Galindes, 18), Kaysedo (Mendes, 86), Plata, Valensiya, Estrada (Karselen, 85).

Braziliya – Alisson, Emerson, Tiago Silva, Militao, Aleks Sandro, Kazemiro, Fred, Koutinyo (Dani Alves, 33), Rafinya (Antoni, 63), Mateus Kunya (Gabriel Barboza, 78), Vinisius Junior (Gabriel Jezus, 63).

Ogohlantirishlar: Emerson (1), Alisson (31), Rafinya (42), Militao (45), Valensiya (70), Kaysedo (78).

Chetlatish: Dominges (15), Emerson (20).