Футбол бўйича 2022 йилги жаҳон чемпионати саралаш босқичининг 15-тури доирасида Парагвай терма жамоаси ўз майдонида Уругвайни қабул қилди. Асунсон шаҳрида (Парагвай) «Генерал Пабло Рохас» стадионида бўлиб ўтган учрашув меҳмонларнинг 1:0 ҳисобидаги ғалабаси билан якунланди.

Ғалаба голини 50-дақиқада Луис Суарес киритди.

Шу тариқа, Уругвай терма жамоаси очколари сонини 19тага етказиб, турнир жадвалида тўртинчи ўринга кўтарилиб олди. Жамоа 4 ўйиндан иборат мағлубиятли сериясига барҳам берди. Ўз навбатида Парагвай 13 очко билан сўнгги ўринни эгаллаб турибди.

Кейинги турда Уругвай терма жамоаси Венесуэла билан, Парагвай эса Бразилия билан баҳс олиб боради. Ҳар икки учрашув 2 февраль куни бўлиб ўтади.

Парагвай — Уругвай – 0:1

Гол: 0:1 – 50 Суарес.

Парагвай – Сильва, Эскобар, Гомес, Алонсо, Арсамендия, Рохас, Охеда, Альмирон, Бенитес, Вильясанти, Энсисо, Рохас, Санчес, Санабрия, Гонсалес.

Уругвай – Рочет, Араухо, Годин, Хименес, Оливера, Касерес, Суарес, Пельистри, Арамбарри, Вальверде, Весино, Бентанкур, Кавани, Каноббио, Суарес, Нуньес.

Огоҳлантиришлар: Бентанкур (9), Пельистри (20), Араухо (22), Весино (43), Рохас (59), Гомес (62), Алонсо (86).

Четлатиш: Гомес (90).