Futbol bo‘yicha 2022 yilgi jahon chempionati saralash bosqichining 15-turi doirasida Paragvay terma jamoasi o‘z maydonida Urugvayni qabul qildi. Asunson shahrida (Paragvay) «General Pablo Roxas» stadionida bo‘lib o‘tgan uchrashuv mehmonlarning 1:0 hisobidagi g‘alabasi bilan yakunlandi.
G‘alaba golini 50-daqiqada Luis Suares kiritdi.
Shu tariqa, Urugvay terma jamoasi ochkolari sonini 19taga yetkazib, turnir jadvalida to‘rtinchi o‘ringa ko‘tarilib oldi. Jamoa 4 o‘yindan iborat mag‘lubiyatli seriyasiga barham berdi. O‘z navbatida Paragvay 13 ochko bilan so‘nggi o‘rinni egallab turibdi.
Keyingi turda Urugvay terma jamoasi Venesuela bilan, Paragvay esa Braziliya bilan bahs olib boradi. Har ikki uchrashuv 2 fevral kuni bo‘lib o‘tadi.
Paragvay — Urugvay – 0:1
Gol: 0:1 – 50 Suares.
Paragvay – Silva, Eskobar, Gomes, Alonso, Arsamendiya, Roxas, Oxeda, Almiron, Benites, Vilyasanti, Ensiso, Roxas, Sanches, Sanabriya, Gonsales.
Urugvay – Rochet, Arauxo, Godin, Ximenes, Olivera, Kaseres, Suares, Pelistri, Arambarri, Valverde, Vesino, Bentankur, Kavani, Kanobbio, Suares, Nunyes.
Ogohlantirishlar: Bentankur (9), Pelistri (20), Arauxo (22), Vesino (43), Roxas (59), Gomes (62), Alonso (86).
Chetlatish: Gomes (90).
