Россия чемпионати 37 - тури "Зенит"га қарши ўйинда Кержаков билан тўқнашиб кетиб қаттиқ жароҳат олган "Спартак" дарвозабони Андрей Дикань тўқнашув ва ўзининг ҳолати ҳақида "Советский спорт" мухбирига гапириб берди.
"Қийинчиликсиз гапира оламан, аммо овқатланиш билан озгина муаммолар бор. Майдаланган, туйилган ва суюқ таомларни истеъмол қиляпман. Душанба куни шифокорлар консилиум йиғишади - мени операция қилиш масаласида. Аввалига операциясиз ҳам соғайишим мумкиндай кўринган эди. Якшанба куни ияк-юз жарроҳи кўриб, "қилиш керак" деди.
Мен у вазиятда тўп билан овора бўлдим. Бирга бир вазият эди, тўпни оёқларим билан қайтариб юбордим, бошқасини эслай олмайман.
Вазиятни ҳеч қаерда қайта кўриадим. Кержаков ўзини четга олиши мумкинмиди, йўқми... Ҳозир нима фарқи бор? Менга ёрдам бераётганларида у кўп марта кечирим сўради, буни эслайман."
