"Валенсия" жамоаси бош мураббийи Унаи Эмери "Леванте"га қарши учрашув якунлангач, натижадан қониқмгананини таъкидлаб ўтди.
1:1 ҳисобида якунланган ўйиндан сўнг, "Валенсия" яна турнир жадвалида учинчи ўринга кўтарилиб олганига қарамай, жамоа ўйинидаги камчиликлар ҳамон бартараф этилмаганлигини Эмери тан олди.
"Биз ғалабага ҳақли эдик. Бутун ўйин давомида устунлик биз томонда бўлди. Аммо натижа дурранг. Биз "Леванте"ни мағлуб этиб, учинчи ўринга мустаҳкам жойлашиб олишимиз мумкик эди. Шогирдларимнинг ўйинидан кўнглим тўлди. Аммо, улар кўплаб вазиятларни йўққа чиқаришмоқда. Бир нечта учрашувлардан бери шундай аҳвол. "Леванте" билан ўйинда дуранг - ёмон натижа" Биз ўз ўйинимизни ўзгартиришимиз керакка ўхшайди", дея Эмерининг сўзларидан парча келтирмоқда Goal.com.
