Бергамо клуби бош мураббийи Жан Пьеро Гасперини 26 ёшли россиялик футболчини қўйиб юборишни истамаганига қарамай, "Лацио" "Аталанта" ярим ҳимоячиси Алексей Миранчукни қишки трансфер ойнасида ижарага олмоқчи, деб хабар беради "Correira dello Sport".
Манбага кўра, Рим клуби президенти Клаудио Лотито "Аталанта" президенти Антонио Перкасси билан боғланиб, ярим ҳимоячининг трансферини муҳокама қилган.
Олдинроқ "Лацио" спорт директори Игли Таре Миранчукга қизиқиш ҳақидаги маълумотни рад этганди.
Бу мавсумда россиялик футболчи “Аталанта” сафида 16 та ўйинда майдонга тушиб, 1 та гол урди ва 2 та голли узатмани амалга оширди. Унинг Бергамо клуби билан ярим ҳимоячи шартномаси 2024 йилнинг 30 июнига қадар амал қилади.
