Инсайдер Фабрицио Романонинг сўзларига кўра, «Брентфорд» «Тоттенхэм» ва «Интер»нинг собиқ яримҳимоячиси Кристиан Эриксеннинг трансфери устида ишлашда давом этмоқда.
«Брентфорд» ҳали ҳам Кристиан Эриксен билан шартномани имкон қадар тезроқ якунлаш устида ишламоқда. Албатта, муҳим тиббий текширувлар зарур, аммо клуб барибир Кристианни асосий мақсад сифатида кўради. Шартнома 2023 йилнинг июнигача узайтирилиши мумкин бўлган ярим мавсумлик битим бўлади», - дейди инсайдер.
Эслатиб ўтамиз, 25 январь куни Эриксен «Аякс» билан машғулот ўтказди.
Аввалроқ «Интер» кардиовертер-дефибриллятор ўрнатилган яримҳимоячи билан шартномани бекор қилишга қарор қилган эди.
