«Бёрнли» тез орада «Вольфсбург» ҳужумчиси Воут Вегорст билан шартнома имзолаганини эълон қилмоқчи. Голландиялик ҳужумчи АПЛ аутсайдерига 12 миллион фунт эвазига ўтади. Бу футболчи «Ньюкасл»га 30 миллион фунт стерлингга ўтган Крис Вудга ўринбосар бўлиши кутилмоқда.
Узун бўйли футболчи сўнгги бир неча йил ичида Бундеслиганинг энг кучли ҳужумчиларидан бирига айланди. Воут тўлиқ бўлмаган тўрт мавсум давомида ички чемпионатда 59 та гол урди. Фақат Левандовски ва Холанд ундан кўпроқ гол уришган.