ЦСКА ярим ҳимоячиси Эмил Боҳинен тез орада "Салернитана"га ўтади, дея хабар беради журналист Николо Шкира.
Манба берган хабарга кўра, эртага 22 ёшли норвегиялик футболчи тиббий кўрикдан ўтади ва шундан сўнг у Италия клуби томонидан мавсум охиригача ижарага олинади. ЦСКА футболчининг ижараси учун 0,3 миллион евро олади. Шунингдек, "Салернитана" А Серияда қолса, уни 4 миллион еврога сотиб олишга мажбур бўлади.
Боҳинен жорий мавсумда ЦСКА сафида 10 ўйинда 2 та гол урди. Ярим ҳимоячининг Москва клуби билан шартномаси 2025 йилнинг 30 июньига қадар мўлжалланган.
