"Эвертон" "Манчестер Юнайтед" билан ярим ҳимоячи Донни ван де Беекни ижарага олиш борасида келишиб олди, дея хабар беради журналист Фабрицио Романо.
Манба берган хабарга кўра, мерсисайдликлар манкунианликлар билан 24 ёшли нидерландиялик футболчини жорий мавсум охиригача маоши тўлиқ тўланган ҳолда ижарага олишга келишиб олган.
Қайд этилишича, ярим ҳимоячининг ўзи ҳали трансфер борасида якуний қарорга келмаган. Шунингдек, Ван де Беекга "Кристал Пэлас" ҳам даъвогарлик қилмоқда.
Ярим ҳимоячи жорий мавсумда “Манчестер Юнайтед” сафида 14 та ўйинда майдонга тушиб, 1 та гол урган.
