"Everton" "Manchester Yunayted" bilan yarim himoyachi Donni van de Beekni ijaraga olish borasida kelishib oldi, deya xabar beradi jurnalist Fabrisio Romano.
Manba bergan xabarga ko‘ra, mersisaydliklar mankunianliklar bilan 24 yoshli niderlandiyalik futbolchini joriy mavsum oxirigacha maoshi to‘liq to‘langan holda ijaraga olishga kelishib olgan.
Qayd etilishicha, yarim himoyachining o‘zi hali transfer borasida yakuniy qarorga kelmagan. Shuningdek, Van de Beekga "Kristal Pelas" ham da’vogarlik qilmoqda.
Yarim himoyachi joriy mavsumda “Manchester Yunayted” safida 14 ta o‘yinda maydonga tushib, 1 ta gol urgan.
