«Арсенал» ҳужумчиси Пер-Эмерик Обамеянг мавсумнинг иккинчи қисмини «Барселона»да ўтказмоқчи.
32 ёшли ҳужумчи ижарага ўтиш учун маошини сезиларли даражада камайтиришга рози бўлмоқда.
Diario Sport нашрининг тарқатган маълумотига қараганда, габонлик футболчи «Барселона» таркибида деярли текинга ўйнашга тайёр. У «Арсенал» сафида у ҳафтасига 250 минг фунт маош олади ва «канонирлар»нинг энг кўп маош олувчи футболчиси ҳисобланади.
Бироқ келишув якунланиши учун каталонияликлар сафини Усмон Дембеле тарк этиши керак. Бу эса белгиланган иш ҳақи чегарасига мослашиш имконини беради.