Каталониянинг «Барселона» клуби футболчиси Усмон Дембеле фаолиятини «ПСЖ» клубида давом эттирадиганга ўхшамоқда.
Foot Mercato нашрининг тарқатган маълумотига қараганда, парижликлар 24 ёшли футболчи билан ёзда шартнома имзолаш борасида оғзаки келишувга эришди.
Мавсум охирида Дембеленинг "Барселона" билан шартномаси якунланади ва у эркин агентга айланади.
Foot Mercato нашрининг қайд этилишича, фақатгина кутилмаган бурилишлар битимни барбод бўлишига олиб келиши мумкин.
Аввалроқ, «Барселона» Дембелени ёзни кутмасдан, январь ойидаёқ қўйиб юборишга рози эканлиги ҳақида маълумот тарқатилганди.