1-7 июль кунлари Кувайтда бўлиб ўтадиган футзал бўйича клублар ўртасидаги Осиё чемпионлар лигасига қуръа ташлаш маросими 26 апрель куни Тошкент вақти билан 14:00да бошланади. ОФКдан келган хатга кўра, қуръа механизми ҳақидаги маълумот 13 апрель куни тақдим этилади.
Регламентга кўра Осиё чемпионлар лигасининг финал қисмида 8та мамлакат чемпионлари иштирок этади. Ўтган йил якунларига кўра дастлабки 3та ўринни қўлга киритган Япония, Эрон ва Ливан чемпионлари қаторида мезбон Кувайт чемпиони ҳам саралаш ўйинларисиз ОЧЛ финал босқичига йўлланма олган. Ғарбий зона саралашида Ўзбекистон ва Қатар чемпионлари ўзларини кўрсатишди. Шарқий зонада бундай бахт Вьетнам ва Таиландга насиб қилган.
Ўзбекистон чемпиони «Ардус»нинг Осиё чемпионлар лигаси саралашида қайд этган натижаси билан мана бу ҳаволада танишиб олишингиз мумкин.
