Ўзбекистонлик таниқли мутахассис Алишер Никимбаев телеграмдаги ўзининг канали орқали Ўзбекистон терма жамоаси тарихидаги энг яхши футболчилардан ташкил топган рамзий жамоани тузиб чиқди. Мутахассис ҳар бир чизиққа номзодни танлаб олишда сўровнома ўтказди ва сўровномада энг кўп овоз олган футболчини танлаб олди.
Ўтказилган сўровнома натижасида Миржалол Қосимовни Ўзбекистон терма жамоасининг бош мураббийи сифатида танлашди. Эътиборли томони, Қосимов футболчи сифатида рамзий жамоа ярим ҳимоя чизиғидан ҳам ўрин олди. Бош мураббий лавозими учун ўтказилган сўровнома натижаси:
Миржалол Қосимов 147 овоз (20%)
Рустам Акрамов 142 (19%)
Маҳмуд Раҳимов 142 (19%)
Рауф Инилеев 87 (11%)
Вадим Абрамов 80 (11%)
Самвел Бабаян 78 (10%)
Ўзбекистон рамзий жамоаси қуйидаги кўринишда бўлди:
Дарвозабон — Игнатий Нестеров
Ўнг қанот ҳимоячиси — Бахтиёр Ашурматов
Марказий ҳимоячи — Андрей Федоров
Марказий ҳимоячи — Анзур Исмоилов
Чап қанот ҳимоячиси — Николай Ширшов
Ўнг қанот ярим ҳимоячиси — Виктор Карпенко
Марказий ҳимоячи — Одил Аҳмедов
Марказий ярим ҳимоячи — Миржалол Қосимов
Чап қанот ярим ҳимоячиси — Жалолиддин Машарипов
Ҳужумчи — Максим Шацких
Ҳужумчи — Александр Гейнрих
