«Ювентус»нинг 31 ёшли яримҳимоячи Аарон Рэмзи Турин клубида керакли ўйин амалиётини олмаяпти ва клубни тарк этишга тайёрлигини билдирди.
Италия нашрлари маълумотига кўра, Шотландиянинг «Рейнжерс» жамоаси «Ювентус» уэльслик футболчини ижарага олмоқчи ва икки клуб ўртасидаги музокараларнинг фаол босқичида.
«Ювентус» ўз навбатида футболчининг маошининг 30 фоизини тўлашга тайёрлигини билдирган.
Рэмзи бу мавсумда барча мусобақаларда бор йўғи 5 та ўйинда майдонга тушди. Уэльслик футболчи охирги марта терма жамоаси сафида 16 ноябрь куни Бельгияга қарши ўйинда майдонга тушганди.
