Мадриднинг “Реал” клуби 3 февраль куни “Атлетик”га қарши Испания кубогида ўйин ўтказади. Жамоа ҳали ҳам терма жамоаларга чақирилган футболчиларга умид боғлай олмаяпти. Шундай қилиб, Винисиуснинг иштироки сўроқ остида. Футболчининг ўйиндан бир кун олдин келиши кутилмоқда, аммо ҳеч қандай кафолат йўқ.
Бензема мушаклардаги шикастланишдан тикланмоқда. Асенсионинг соғлиғида ҳам муаммолар бор. У охирги марта 12 январь куни майдонда ўйнаган.
Бундай вазиятда Анчелотти Азар ва Бэйлга мурожаат қилади. Шу билан бирга, уэлслик футболчи уч ой давомида майдонга тушмаган.
