«Тоттенҳэм» яримҳимоячиси Тангай Н'Домбеле «Лион»га қайтди, дея хабар бермоқда Франция клуби расмий сайти.
Н'Домбеле мавсумнинг иккинчи қисмини ижара асосида «Лион» сафида ўтказади. Томонлар ярим йиллик ижара борасида келишувга эришган. Унга кўра, французлар инглиз клубига футболчининг ижара муддати учун 1,42 млн евро тўлашади.
Маълумот учун, 25 ёшли франциялик ўйинчи 2019 йилда айнан «Лион» сафидан 60 миллион еврога Лондон клубига ўтганди. Томонлар 2025 йилга қадар шартнома эга. Н'Домбеленинг айни дамдаги трансфер баҳоси 38 млн еврони ташкил этмоқда.
Тангай АПЛ жорий мавсумида 9 ўйинда иштирок этиб, битта голга муаллифлик қилган.
