Лондоннинг "Арсенал" клуби бош мураббийи Арсен Венгер премьер-лиганинг сўнгги турида "КПР" га мағлубиятга учралган ўйиндан сўнг, жамоа ҳужумчиси Маруан Шамахнинг қилиғидан ғазаб отига минди.
Гап шундаки, учрашув якунлангач, марокашлик ҳужумчи "КПР" ярим ҳимоячиси, ўз ҳамюрти Адел Таарабт билан билан Лондондаги тунги барлардан бирига бориб кўнгилхушлик қилишган.
Эслатиб ўтамиз "КПР"га қарши ўйинда Шамах ўйиннинг 81-дақиқасида майдонга тушган ва жамоасига ҳеч қандай ёрдам бера олмаганади. Таарабт эса аксинча, ўйин қахрамонларидан бири бўлди. Унинг голи эвазига "КПР" "Арсенал"нинг 7 ўйидан иборат ғалабали сериясига чек қўйди.
Учрашувдан сўнг шундоқ ҳам асабий ҳолатда бўлган Арсен Венгер мағлубият етмагандек, матбуотда Маруан Шамахнинг қўлида чилим ушлаб турган суратини кўриб қолди. Айтишларича марокашлик икки футболи тунги барда "КПР"нинг ғалабасини шу тариқа "ювишган". Маълумотларга қараганда, франциялик мураббий ўз шогирдининг бу қилиғидан қаттиқ ғазабга келган ва уни ҳатто машғулотлардан ҳайдаб юборган.
Шундоқ ҳам ушбу мавумда мураббий ишончини йўқтиб бўлган маркоашлик ҳужумчи, мавсум якунланиши билан энди бемалол ўзига янги жамоа қидиришни бошлаб юбораса ҳам бўлади, шекилли.
