"Арсенал" бош мураббийи Арсен Венгер Англия чемпионати 31-турида "Куинз Парк Рейнжерс"дан қабул қилиб олинган мағлубият (1:2) ҳақида гапириб ўтди.
"Буни тушунтириш қийин, биз ўйинга одатдагидай тайёргарлик кўргандик. Балки, бугун бизга осон бўлади, деган фикрлар сабаб бўлгандир.
Бизни осмондан ерга олиб тушириб қўйдилар. Биз бугун охирги пайтлардаги савиямиз даражасида ўйнай олмадик. Тўпни назорат қилишда катта устунлик қилган бўлсакда, голга тортадиган вазиятлар яратишда оқсадик. Ташқаридан қараганда ҳаммаси яхши кўринди, аммо натижа қайғули бўлди. Бундай ўйинларни бой бериш ачинарли.
Агар сенинг қўлингдан ютиш келмаса - дурангга умид қиласан, лекин бизнинг бугунги хатоларимиз билан эмас. Кайфиятимизни тиклаш ва якшанба куни "Манчестер Сити"га қрши яхши ўйин кўрсатиш учун бизнинг вақтимиз бор", - дея Венгернинг сўзларидан иқтибос келтиради "Арсенал" расмий сайти.
