"Барселона" президенти Жоан Лапорта шартномаси келаси ёзда тугайдиган ҳужумкор ярим ҳимоячи Усмон Дембеле билан боғлиқ вазият ҳақида гапирди.
“Биз унга шартномани узайтиришни таклиф қилдик, бу жуда яхши таклиф эди. У молиявий сабабларга кўра рад этди, чунки у кўпроқ нарсани хоҳлади. Вазият боши берк кўчага кириб қолди, унинг агенти ўз позициясида қолди, лекин ҳеч нарса демади. Биз қўлимиздан келганини қилдик.
Биз унга бошқа клублардан иккита таклиф, яхши таклифларни тақдим этдик. Биз уларни рад этганидан жуда ҳайратдамиз. Охирги таклиф Англиядан бўлган эди, лекин у рад этди ва яна олти ой қолишга қарор қилди.
Уни тушуниш қийин. Ўйлаймизки, Дембеленинг бошқа клуб билан келишуви бор", - дея Лапорта сўзларини келтиради Mundo Deportivo.
