Аввал хабар берганимиздек, Ўзбекистон аёллар миллий терма жамоаси бошқарувини тажрибали мутахассис Мидори Ҳонда ўз қўлига олди. Бугун Чиғатой базасида япониялик мураббий илк йиғинини бошлади. Биринчи машғулотларга МОҚ раиси Рустам Шоабдураҳмонов ва Ўзбекистон футбол ассоциацияси биринчи вице-президенти Равшан Эрматов ташриф буюришди ҳамда япониялик мутахассислар фаолиятига омад тилашди. Олдимизда турган мақсадлар ёълида жамоамизга барча шароитлар тақдим этилишини маълум қилишди. Ҳусусан Рустам Мавзурович МОҚ томонидан жамоа учун зарур тиббий текширувлар ва муалажаларни тақдим этилишини таъкидлаб ўтди.

Футболчилар билан суҳбатда жамоа манфаати ёълида барча бир тан-у бир жон бўлиб ҳаракат қилиш кераклиги айтилди. Шунингдек, раҳбарият терма жамоамиз Париж олимпиадасида иштирок этишига тилак ва ишонч билдирилиб, бу ёълда бўлажак турнирларнинг аҳамияти, уларга тизимли ва сифатли тайёргарлик кўриш, юртимиз шарафини муносиб ҳимоя қилиш зарурлиги, доимий равишда меҳнат қилиб бориш муҳимлиги таъкидланди.

Суҳбат якунида Ўзбекистон аёллар миллий терма жамоасининг бош мураббийига МОҚнинг махсус совғаси топширилди.