«ПСЖ» бош мураббийи Маурисио Почеттино мавсум охирида жамоани тарк этиши мумкин, дея хабар беради Le Parisien. Манбанинг ёзишича, парижликлар мутахассис раҳбарият томонидан ишлаб чиқилган лойиҳани муваффақиятли ишлаб чиқа олишига шубҳа қилишмоқда.
Қайд этилишича, «ПСЖ» мавсум ўртасида Почеттинони истеъфога чиқаришга тайёр эди, бироқ унинг ўрнига муносиб ўринбосар топилмади. Парижликлар Зинедин Зиданни мутахассис этиб тайинламоқчи эди, бироқ «Реал»нинг собиқ устози бунга рози бўлмади. Аргентиналик мутахассиснинг мавсум якунида француз клубини тарк этиши эҳтимоли сақланиб қолмоқда.
Аввалроқ, «Манчестер Юнайтед» Ральф Рангникнинг ўрнига Почеттино номзодини кўриб чиқаётгани хабар қилинганди.
