Бундан тахминан беш соатлар олдин Японияда “Гамба Осака” ва “Бунёдкор” жамоалари ўртасидаги учрашувда 3:1 ҳисобида мезбонлар ғалаба қозонишганди. Қатарда ҳам худди шу ҳисоб бизнинг зиёнимизга, рақиб фойдасига ишлади.

Бу сафар ҳам юртимиз шарафини ҳимоя қилаётган жамоа бундай ҳисобга муносиб ўйнамаганди. Ҳаттоки, “Насаф”да бу учрашувда кўпроқ имконият юзага келганди. Афсуски, вазиятлардан фойдалана олмаслик, навбатдаги мағлубиятга сабаб бўлди.

Очиғи мана шу “вазиятлардан фойдаланмаслик” сўз бирикмасини “Насаф”нинг ҳар бир ўйинидан кейин ишлатишга мажбур бўлаяпмиз. Ўша Илҳом Шомуродов мисолида... Бошқа футболчилар мисолида. Эҳҳ... Бойдуллаев.
Футболда “агар” жумласи бўлмайди. “Агар” тарихда қолмайди. “Насаф” бугун ютқазди. “Насаф” жуда қийин аҳволда қолишига сабаб бўлган мағлубиятни қабул қилиб олди.

ОЧЛ. 3-тур
«АР-РАЙЯН» – «НАСАФ» 3:1 (1:0)
Голлар: Родриго Табата (9), Даниэл Гоума (65) Аҳмад Аловуддин (88) - Илҳом Шомуродов (58)

«АР-РАЙЯН»: 1. Ал Ҳажрий, 8. Абдулла Афифа, 9. Афонсу Алвеш, 10. Родриго Табата, 13. Чо Йонг Хюнг, 17. Даниэл Гоумоу, 19. Мурод Нажий, 25. Леандро Сильва (4. Ҳaмaд ал Убайдий, 70), 25. Мусаб Маҳмуд (12. Ҳамид Исмоил, 46), 27. Юнус Али, 28. Натан Отавио.

«НАСАФ»: 42. Муроджон Зуҳуров, 2. 1Шерзод Аъзамов, 5. Ботир Қораев (с), 7. Жаҳонгир Жиямуродов,8.  Андрей Переплёткинс (Шоҳрух Гадоев, 83), 9. Илҳом Шомуродов (Шуҳрат Мирҳолдиршоев, 76), 17. Артур Геворкян, 18. Фозил Мусаев, 20. Эркин Бойдуллаев, 23. Мирзакамол Камолов (Иван Бошкович, 55), 34. Боян Малишич.

Огоҳлантиришлар: Чо Йонг Хюнг (85), Абдулла Толиб Афифа (78) - Эркин Бойдуллаев (51).

Гуруҳнинг иккинчи учрашувида "Ал-Жазийра" меҳмонда "Истиқлол" клубини мағлубиятга учратиб 3 турдан кейин 9 очко тўплашга муваффақ бўлди. Ҳозирда жамоа гуруҳда яққол етакчи бўлиб олган.

ИСТИҚЛОЛ - АЛ-ЖАЗИЙРА 1:2 (0:1)
Голлар: Фаридун Занди (69) - Жумъа Абдуллоҳ (6), Баре (73).