«Ювентус» яримҳимоячиси Аарон Рэмзи «Рейнжерс»га ўтгани ҳақида фикр билдирди. Шотландияликлар Рэмзини 2021/2022 йилги мавсум охиригача ижарага олиб, унинг шартномасини «Ювентус»дан сотиб олиш ҳуқуқига эга.
«Шартнома бироз асабий тарзда имзоланди. Клублар трансфер ойнаси ёпилгунга қадар барча тафсилотларни ҳал қилиб, белгиланган муддатни бажаришга муваффақ бўлганидан хурсандман.
Охирги икки мавсумда кўп ўйнамадим, аммо «Ювентус»да ёмон ўйнадим деб ҳис қилмайман. Шотландияда ўйнаш имкониятига эга бўлганимдан хурсандман. Мухлислар ва «Рейнжерс» раҳбариятини ҳафсаласи пир қилмаслик учун бор кучимни ишга соламан», - дея Рэмзининг сўзларидан келтиради журналист Жанлука Ди Марсио.
