"Бешиктош" "Бенфика" ярим ҳимоячиси Жедсон Фернандешни қўлга киритишга яқин турибди, дея хабар беради журналист Фабрицио Романо.
Манбага кўра, турк клуби 23 ёшли португалиялик учун 6 миллион евро тўлашга тайёр ва футболчига 2025 йилнинг июнь ойи охиригача шартнома таклиф қилмоқда.
Футболчи 2 февраль куни тушдан кейин Истанбулга тиббий кўрикдан ўтиш учун етиб бориши кутилмоқда. Фернандеш ўтган мавсумнинг иккинчи ярмида ижара асосида ўйнаган "Галатасарой"да фаолиятини давом эттириши мумкин эди, бироқ келишув амалга ошмай қолди.