"Ньюкасл" клуби январь ойининг энг кўп сарф-харажат қилган жамоасига айланди. Трансферлар ойнаси ёпилди. Аммо ҳали-ҳамон "қарғалар"да бир нечта эркин агентларни ўз сафига қўшиб олиш имконияти мавжуд. Улар қуйидаги футболчилардир:
1. Элкесон - 32 ёшли ҳужумчи сўнгги бор Хитойнинг "Гуанжоу" клубида тўп сурган.
2. Уоллес - Туркиянинг "Малатяспор" жамоаси сафини 26 январь куни тарк этган бразилиялик ҳимоячи Эдди Хау ҳимоясига мустаҳкамлик бахш эта олади. Чунки у "Лацио" ҳамда "Монако" сафида катта тажриба орттирган.
3. Матео Мусаккио - ўз вақтида "Вильярреал" сафида порлаган ҳимоячи. 31 ёшли футболчи ҳозирда эркин агент сифатида қолмоқда.
4. Диего Коста - исталган жамоага кучли жисмоний ҳолат, голлар ва ишонч билан ёрдам бера олади.
"Ньюкасл" 2022 йилда трансферлар учун жами 102,1 миллион евро маблағ сарфлаган.
