Аввалроқ, ўз севгилисига нисбатан зўрлаш ва ўлим билан таҳдид қилганликда гумонланиб ҳибсга олинган “Манчестер Юнайтед” ҳужумчиси, Мейсон Гринвуд терговгача гаров эвазига қўйиб юборилди, деб хабар беради Манчестер шаҳри полицияси.
Гринвуд 30 январь куни севгилиси Харриет Робсон инстаграмда танасининг турли қисмлари кўкарган ва юзи қонаган суратларини кўрсатгани учун ҳибсга олинган эди. Шунингдек, қиз жинсий алоқа қилишга мажбурлангани ҳақидаги аудиони ҳам жойлаштирди. Қолаверса, футболчи калтаклаш ва зўрлашда айбланган.
Воқеадан бир кун ўтиб, “Манчестер Юнайтед” футболчини машғулотлардан четлатди.
