Мадриднинг «Реал» клуби дарвозабони Тибо Куртуа фаолиятини якунлаганидан кейин нима қилиши ҳақида фикр юритди.

«Ҳали олдинда кўп йиллар бор, фаолиятимни тугатгандан кейин нима қилишимни ҳали ўйламаганман. Мен ҳали Чемпионлар лигасида ғолиб чиққаним йўқ, терма жамоа билан эса Жаҳон чемпионати ва Европа чемпионатида ғолиб чиққаним йўқ.

Балки бир кун мураббий, спорт директори ёки шунга ўхшаш бирор лавозимда ишларман. Менда аниқ фикрлар йўқ. Баъзи компанияларга сармоя киритдим ва улар янада ривожланишига ишонаман. Мен футбол ҳақида ўйлаяпман.

Буффон бор, у 43 ёшда. Унга ўхшаб узоқ фаолиятимни давом эттираман, деб ўйлайман. Танам бардош берса, давом этишни хоҳлайман. Мен ҳар доим 38 ёшда футболдан кетаман деб ўйлаганман. Балки бир йил ўтиб ёки ундан олдинроқ, ўзимни қандай ҳис қилишим, қандай имкониятларим бор ва қанчалик соғлом эканлигимга қараб қарор қиламан», - дейди 29 ёшли футболчи.