Madridning «Real» klubi darvozaboni Tibo Kurtua faoliyatini yakunlaganidan keyin nima qilishi haqida fikr yuritdi.
«Hali oldinda ko‘p yillar bor, men faoliyatimni tugatgandan keyin nima qilishimni hali o‘ylamaganman. Men hali Chempionlar ligasida g‘olib chiqqanim yo‘q, terma jamoa bilan esa Jahon chempionati va Yevropa chempionatida g‘olib chiqqanim yo‘q.
Balki bir kun murabbiy, sport direktori yoki shunga o‘xshash biror lavozimda ishlarman. Menda aniq fikrlar yo‘q. Men ba’zi kompaniyalarga sarmoya kiritdim va ular yanada rivojlanishiga ishonaman. Men futbol haqida o‘ylayapman.
Buffon bor, u 43 yoshda. Men unga o‘xshab uzoq faoliyatimni davom ettiraman, deb o‘ylayman. Tanam bardosh bersa, men davom etishni xohlayman. Men har doim 38 yoshda futboldan ketaman deb o‘ylaganman. Balki bir yil o‘tib yoki undan oldinroq, o‘zimni qanday his qilishim, qanday imkoniyatlarim bor va qanchalik sog‘lom ekanligimga qarab qaror qilaman», - deydi 29 yoshli futbolchi.
