Туриннинг "Ювентус" клуби ўйинчиси Денис Закария уни чинакам илҳомлантирадиган футболчи номини айтди. Денис Франция терма жамоаси ва Лондоннинг “Арсенал” клубида ўйнаган Патрик Виейрани ҳурмат қилишини айтди.

“Агар сизга аниқ кимнидир исмини айтишим керак бўлса, бу Патрик Виейра. Менга доим уни, ўйинини, фазилатларини ёқтирардим. Бироқ, мен бирон бир футболчига тақлид қилишим шарт эмас. Менинг кучли қобилиятларим ва хусусиятларим бор.

Пол Погба? У "Ювентус" учун нима қилганини ҳамма билади, аммо мен ўз ҳикоямни ёзмоқчиман", - деди Закария матбуот анжуманида.