Айни дамда "Фламенго" шарафини ҳимоя қилаётган асли "Манчестер Юнайтед"га тегишли ярим ҳимоячи Андреас Перейра Бразилия клубида қолиши мумкин, дея хабар берди "Globo" нашри.
Маълумотларга кўра, "Фламенго" мутасаддилари "Ман Юнайтед" билан Андреас Перейрани сотиб олиш бўйича муваффақиятга эришиш учун яқин кунларда Англияга келишади. Улар футболчини тўлиқлигича сотиб олмоқчи, дея қўшимча қилган манба.
Маълумот учун, 26 ёшли бразилиялик футболчи Трансфермаркт портали томонидан 8 миллион еврога баҳоланган.