“Манчестер Сити” Дортмунднинг “Боруссия” клуби марказий ҳужумчиси Эрлинг Холанд учун жиддий кураш олиб бормоқда. “Шаҳарликлар” устози Хосеп Гвардиола узоқ вақтдан бери янги марказий ҳужумчи билан шартнома имзолашни истамоқда. Мутахассиснинг фикрича, бразилиялик Габриэль Жезус ҳужумларни якунловчи ролини бажара олмаяпти.
“Todofichajes”нашрининг маълум қилишича, “шаҳарликлар” раҳбарияти аллақачон қатъий қарор қабул қилган ва норвегияликнинг агенти Мино Райола билан боғланган. Англия чемпиони ҳужумчига йиллик 25 миллион евро маош билан беш йиллик шартнома таклиф қилди. Агар келишув амалга ошса, Холанд Премьер-лигадаги энг кўп маош олувчи футболчилардан бирига айланади.
“Реал Мадрид” Эрлинг бўйича “Манчестер Сити”нинг асосий рақиби саналади.
